మృదూని కుసుమాదపి
సాహితీమిత్రులారా!
భవభూతి ఉత్తరరామచరిత నాటకంలో
రాముని స్వభావంలోని భేదాలను వర్ణిస్తూ
చెప్పిన ఈ శ్లోకం చూడండి-
వజ్రాదపి కఠోరాణి మృదూని కుసుమాదపి
లోకోత్తరాణాం చేతాంసి కోను విజ్ఞాతు మర్హతి
సామాన్యంగా కొందరి హృదయాలు సహజకఠినంగా ఉంటాయి.
వాళ్ళు అన్ని సమయాల్లో అందరితో పరుషంగానే వ్యవహరిస్తారు.
మరికొందరు కోమల స్వభావులుగా ఉంటారు.
వారికి కఠినంగా ప్రవర్తించడం చేతకాదు.
కాని అసాధారణ మహాపురుషుల
విషయంలో దీనికి భిన్నంగా ఉంటుంది.
ఆయా సందర్భాన్ని బట్టి ఒకసారి కఠినంగాను,
మరోసారి పుష్పంకంటే కోమలంగాను
లోకోత్తర పురుషుల మనసులుంటాయి.
వారి మనసుల తత్వాన్ని ఎవరు తెలుసుకోగలరు
- అని భావం
No comments:
Post a Comment