ఎడమ చెవి నిదె యిచ్చెద ఎగ్గునెంచ
సాహితీమిత్రులారా!
వేదాలి బాగా చదువుకున్న ఒక నైష్ఠిక బ్రాహ్మణుడు
వయసులో ఉన్న తన భార్య ప్రేమతో దగ్గరికి వచ్చి
పెదాలపై ముద్దు పెట్టబోగా అతడు
అప్పుడు అన్నాడట చూడండి
ఆ పద్యం-
అఖిల వేదాధ్యయన శుద్ధమైన నా య
ధరమునకు నంటు దోసంబు తగుల నీకు
కొరుకు నీ కిచ్చ గలదేని కులుకులాడి
ఎడమ చెవి నిదె యిచ్చెద ఎగ్గునెంచ
ఓ విలాసవతీ నా పెదవి వేదమంత్రాలను
వల్లించటంచేత పవిత్రమైనది. అటువంటి
దాన్ని నీ మద్జుతో ఎంగిలి చేసి అపవిత్రం చేయద్దు.
నీకు అంతగా ముద్దు పెట్టుకోవాలను కుంటే
నా ఎడమ చెవిని మద్దు పెట్టుకో నేను అభ్యంతరం చెప్పను -
అని అనుమతిచ్చాడు అదీ ఎడమచెవికే.
వేదం చదివిన వారంతా ఛాందసులని
వారి మనసులో రసికత్వం ఉండదని
లోకంలో ప్రచారం ఉంది దాన్ననుసరించి
ఈ పద్యం పుట్టింది. కాని వైదికులంతా అలా ఉండరు.
No comments:
Post a Comment