ఆంధ్రకవితా పితామహ
సాహితీమిత్రులారా!
ఆంధ్రకవితా పితామహ అంటూనే చటుక్కున గుర్తుకు వచ్చే పేరు అల్లసాని పెద్దన.
ఇది ఈయనకే మొదట ఈయబడిందా ఇంకెవరికైనా ఈ బిరుదు ఉందా అనే పూర్వాపరాలలోకి వెళితే అర్థమౌతుంది. ఈ బిరుదు అంతకు పూర్వం ఇంకా కొందరికి ఉన్నట్లు తెలుస్తుంది. దీని మీద నిడుదవోలు వెంకట్రావుగారు పరిశోధన చేసి భారతిమాస పత్రికలో ప్రకటించి ఉన్నారు.
ఆ విషయాలను మరొకసారి తెలుసుకుందాం
క్రీ.శ. 1260 లో శివదేవయ్య
క్రీ.శ. 1400 లో కొఱవి సత్తెనారన (సత్యనారాయణ)
క్రీ.శ. 1530 లో అల్లసాని పెద్దన
క్రీ.శ. 1600 లో ఉప్పు గుండూరి వెంకట కవి
క్రీ.శ. 1680 లో ఎనమండ లక్ష్మీనృసింహకవి
వీరందరికి ఆంధ్రకవితా పితామహుడు అనే బిరుదు కలదు.
1833 - 97 లో నివసించిన మండపాక పార్వతీశ్వరకవికి
అభినవాంధ్రకవితాపితామహ అనే బిరుదు కలదు.
