సాహితీమిత్రులారా!
ఈరోజు మనం ఆధునిక కవులలో మహాకవులు అనదగ్గవారి చేతనే కైమోడ్పులు అందుకున్న మహోన్నత కవి, భావకవితా ప్రపంచపు రవి అయిన శ్రీ దేవులపల్లి కృష్ణశాస్త్రిగారి కవిత్వం గురించి మాట్లాడుకుందాం.
Rajan PTSKగారికి ధన్యవాదాలు
సాహితీమిత్రులారా!
దేవులపల్లి కృష్ణశాస్త్రి గారి
కృష్ణపక్షంలోని కవిత
ఏల ప్రేమింతును? ఆస్వాదించండి
సౌరభములేల చిమ్ము పుష్పవ్రజంబు?
చంద్రికలనేల వెదజల్లు చందమామ?
ఏల సలిలంబు పారు? గాడ్పేల విసరు?
ఏల నాహృదయంబు ప్రేమించు నిన్ను?
మావిగున్న కొమ్మను మధుమాసవేళ
పల్లవము మెక్కి కోయిల పాడుటేల?
పరుల తనియించుటకొ ?తన బాగుకొరకొ?
గాన మొనరింపక బ్రతుకు గడవ బోకొ?
సాహితీమిత్రులారా!
దేవులపల్లి కృష్ణశాస్త్రిగారి కృష్ణ పక్షంలోని
కవిత నా జీవితము - ఆస్వాదించండి-
వింతగా దోచు నాదు జీవితము నాకె!
జిలుగు వెన్నెలతో చిమ్మచీకటులతొ;
అమల మోహన సంగీతమందు హృదయ
దళన దారుణ రోదన ధ్వనులు విందు;
వక్రగతి బోదు చక్కని పథమునందె,
రాజపథమునకై కుమార్గమున జూతు;
గరళమేతిందు కడుపార నెరిగి యెరిగి;
అవల ద్రోతు చేతులార నమృతరసము;
విస మమృతమట్టు లమృతంబు విసమురీతి;
చిత్రచిత్రగతుల మార్చు జీవితంబు!
సాహితీమిత్రులారా!
దేవులపల్లి కృష్ణశాస్త్రిగారి
కృష్ణపక్షం నుండి నా ప్రేమ - అనే
ఈ కవిత ఆస్వాదించండి-
క్రౌర్య కౌటిల్య కలుష పంకంబు వలన
మలినమౌ నా హృదయము ధామ మెటులయ్యె
నతి విశుద్ధము మధురము నఘరహితము
ప్రణయమున కంచు సందియ పడుదువేమొ
ప్రేయసీ! శర్వరీ తమోవీధుల బడి
చంద్రుడు రాడె పూర్ణతేజస్వియగుచు
అఘవిదూషిత మీ హృదయంబునందె
ప్రేమ కోమల తమము పవిత్రమయ్యె
