తెలుగు వెలుగు
సాహితీమిత్రులారా!
తన్నీరు బాలాజీగారి తెలుగు వెలుగు
వచనకవిత చూడండి
మనసు మమతలఁ బంచు
మంచి మానవతలఁ బెంచు
అమ్మపాల అమృతసుధ
మన తేటతెలుగుభాష
సామెతల సొంపు
నుడికారపు ఒంపు
జాతీయాల మేళవింపు
మన తెలుగుభాష
అక్షరలక్షల సుమసౌరభాలమాల
అవధాన శ్లేష ధ్వని ప్రక్రియల హేల
రసమయ జనపద ఫలాల వ్రేల
మన ఆంధ్రభాష
కదళీఫలము కన్న
కమ్మని వెన్నకన్న
మామిడితీపికన్న గోరుముద్దల రుచికన్న
మధురమైన మురిపెంపు భాష
మన మాతృభాష
తెలుగుమాట అందరినోట
వెలుగుబాట కావాలి
విశ్వం వినువీధిలో తెలుగు వెలుగు
వేగుచుక్క కావాలి
No comments:
Post a Comment