గురజాడ - అడుగుజాడ
సాహితీమిత్రులారా!
మహాకవి గురజాడ అప్పారావును
ఆధునిక కవితలో చెప్పిన
తన్నీరు బాలాజిగారి సీసాన్ని చూద్దాం.
ముదు ముద్దు మాటల "ముత్యాలసరము"గా
గ్రుచ్చి మురిపెముగాఁ గూర్చినావు
కామాంధుకౌగిట కరిగిపోనివ్వక
"కన్యక"ను చిచ్చుననం గాల్చినావు
"కన్యశుల్కము"నాడి కామిత ముదుసళ్ల
కన్నులు తెరిపింప కదలినావు
కాసుల తండ్రికి కనువిప్పు గల్పింప
"పూర్ణమ్మ"కు పురుడు పోసినావు
తెలుగు నింగిలోన వెలుగుల జాబిలి
తెలునాట నీదు "దిద్దుబాటు"
మంచి మానవతల బెంచి నడతుమయ్యా
అందరి గురజాడ - అడుగుజాడ
No comments:
Post a Comment