రసరాజు గజల్స్ - 2
సాహితీమిత్రులారా!
మనం మొన్న రసరాజు గజల్స్ కొన్ని చూశాము
ఇది మరొక అంశం చూడండి.
వేషం బాగున్నపుడే వేదిక దిగిపోవాలి
రంగు చెరిగిపోతే తొలిమెట్టుకు దిగిరావాలి
పాయసమైతే మాత్రం మొగం మొత్తదా ఏమి
పరిధిని కాపాడుటలో మోహం తెగిపోవాలి
కోకిలనే చూడు - గొంతు పదే పదే విప్పదు
కాలమెరిగి ఎవరైనా అలా ఒదిగిపోవాలి
ఆ కిరాయి చప్పట్లే నిత్యం వినిపించవు
అభిమానం నిలుపుకొనే దిశగ ఎదిగిపోవాలి
వర్షం కావలసిందే మొక్కకు రసరాజూ
అతివృష్టిని కోరుకొనే ఆశ చెరిగిపోవాలి
No comments:
Post a Comment