రాభణో నతు రావణ:!

రాభణో నతు రావణ:!

సాహితీమిత్రులారా!

నేను పట్టిన కుందేటికి మూడే కాళ్ళు అనే
మూర్ఖులు చాలామందే ఉన్నారు.
అలాంటిదే  ఇదీనూ చూడండి.
ఒక మూర్ఖుడు రావణడుని రాభణుడు అన్నాడట
దానికి ఒక పండితుడు సమర్థిస్తూ
చెప్పిన శ్లోకం ఇది.


కుంభకరణే భకారోస్తి భకారోస్తి విభీషణే
రాక్షసానాం కులశ్రేష్ఠ:  "రాభణో" నతు రావణ:!


రావణ - కుంభకర్ణ - విభీషణులు అన్నదమ్ములు.
కుంభకర్ణునికి భ - కారం ఉంది.
అలాగే విభీషణునికి భ - కారం ఉంది.
కాబట్టి రాక్షసకులంలో పెద్దవానిని రాభణుడు అనటమే
సమంజసం సముచితము రావణుడు కాదు.