శ్రీ శ్రీ - పద్యాలు - 2
సాహితీమిత్రులారా!
మనం శ్రీశ్రీ పద్యాలను ఒకసారి చూశాం.
మరి కొన్నిటిని ఇప్పుడు చూద్దాం.
"దెయ్యాలను చూపిస్తా
నయ్యా!" రమ్మనుచు నొక్క ఆసామీ నా
కయ్యో, తన కూతుళ్ళను
చెయ్యూపుచు పిలిచి చూపె సిరిసిరిమువ్వా!
నాకేమో లోకంలో
కాకవులే కానరారు, కవిదూషణ న
న్నాకర్షించదు, రచనో
త్సేకాన్నే మెచ్చుకొండు సిరిసిరిమువ్వా!
తెగకుట్టి వదలి పెట్టిన
వగణిత వైడాగు దోమలశ్వత్థామల్
పొగరెక్కిన రెక్కేన్గులు
సెగలెగసెడు తమ్మముళ్ళు సిరిసిరిమువ్వా!
బారెట్లా అయితే సాం
బారెట్లా చెయ్యగలడు? భార్య యెదుట తా
నోరెట్లా మెదలించును?
చీరెట్లా బేరమాడు? సిరిసిరిమువ్వా!
నాలాగ కందబంధ
జ్వాలా జాలాగ్ర సంవసత్ సద్గీతా
లాలపించే కవితా
శ్రీలోలుడు నహినహీతి సిరిసిరిమువ్వా!
తొందరగా చిందరగా
వందరగా పరుగులెత్తు వాళ్ళకు వేరే
గందర భూగోళంలో
చిందుల చదివింతలేల సిరిసిరిమువ్వా!
No comments:
Post a Comment