ఘటకర్పరుడు ఎవరు?
సాహితీమిత్రులారా!
ఘటకర్పరీయమనే లఘుకావ్య ఒకటి ఉంది.
అది కాళిదాసు వ్రాశాడని, భాసుడు వ్రాశాడని,
ఘటకర్పరుడు వ్రాశాడని రకరకాల వాదాలున్నాయి.
వాటిలో భాసుడే ఘటకర్పరుడనే దాన్ని బలపరిచే
శ్లోకం ఇది చూడండి-
జీయేత యేవ కవినా యమకైః పరేణ
తస్మై వహేయ ముదకం ఘటకర్పరేణ
శృత్వేతి భాసకవి నోక్త మమృష్యమాణాః
ప్రాహు స్త మన్య కవయో ఘటకర్పరాఖ్యమ్
యమకాలంకారయుక్త కవిత్వం చెప్పటంలో
ఇతరులెవరైనా నన్ను జయిస్తే, వారికి నేను
కుండలతో మంచినీరు మోసి తెచ్చిస్తాను
అని భాసకవి ప్రతిజ్ఞచేయటం సహించలేని
ఇతరకవులు భాసుణ్ణి అప్పటినుండి
ఘటకర్పరుడని పిలుస్తూ వచ్చారు - అని భావం
దీన్నిబట్టి భాసుడే ఘటకర్పరుడని తెలుస్తున్నది.
No comments:
Post a Comment