ఎడతెగని పనుల్లో మునిగితేలే నరులు
సాహితీమిత్రులారా!
భర్తృహరి తన సుభాషితత్రిశతిలో
వైరాగ్యశతకంలో కాలమహిను వర్ణించే
ఈ శ్లోకం చూడండి -
ఆదిత్యస్య గతాగతై రహరహ స్సంక్షీయతే జీవితం
వ్యాపారై ర్బహుకార్యభారగురుభిః కాలో న విజ్ఞాయతే,
దృష్ట్వా జన్మజరావిపత్తిమరణం త్రాస శ్చ నోత్పద్యతే,
పీత్వా మోహమయీం ప్రమదమదిరా మున్మత్తభూతం జగత్
సూర్యోదయ - సూర్యాస్తమాలచేత రోజురోజుకూ
ఆయువు తరిగిపోతుండడాన్ని, ఎడతెగని పనుల్లో
మునిగితేలే నరులు గుర్తించలేక పోతున్నారు.
తమ కళ్లముందే ఎందరి జనన మరణాలు -
వృద్ధ, దీనజనుల బాధలు సంభవిస్తూన్నా
వాటిని పరాకు చేస్తున్నారు. ఒక మద్యపానపు
మత్తు ఆవహించినట్లు జగమెల్లా మతి తప్పి
ఉన్నది - అని భావం.
No comments:
Post a Comment