ఇలాంటి వాళ్ళూ ఉంటారు

ఇలాంటి వాళ్ళూ ఉంటారు

సాహితీమిత్రులారా!

ఇది లోకంకదా అన్నిరకాలవాళ్లు ఉంటారు.
ఇలాంటివాళ్లుకూడా -

చితాం ప్రజ్వలితాం దృష్ట్వా 
వైద్యో విస్మయ మాగతః
నాహం గతో న మే భ్రాతా, 
కస్యేదం హస్తలీఘవమ్

ఒక వైద్యుడు పొరుగూరి నుండి  వెళుతుండగా
ఎవరో వ్యక్తి మరణించగా శ్మశానంలో ఒక చితి
పేర్చి నిప్పంటించివెళ్లారు. అప్పుడా దారిన వచ్చిన
ఈ వైద్యునికంట పడింది ఆ దృశ్యం. వెంటనే
ఇతనికి వైద్యానికి నేనుకాని నా తమ్ముడుగాని వెళ్లలేదు కదా!
ఇది ఎవరి హస్తలాఘవమై ఉంటుంది
అనగా ఎవరి చేతి చలవ వల్ల ఇతడు చనిపోయాడు -
అని ఆశ్చర్యపడ్డాడట - అని భావం

దీని అర్థం ఏమిటి వారి చేతి మాత్రతో
వైకుంఠయాత్ర ఖాయమనే స్పష్టమే కదా!