Thursday, December 22, 2016

బంతికూళ్లకును జాకోరంబు లేపారగన్


బంతికూళ్లకును జాకోరంబు లేపారగన్



సాహితీమిత్రులారా!

శృంగారనైషధములోని ఈ చంద్ర వర్ణన
ఎంత చమత్కారంగా ఉందో చూడండి-
నలుడు దమయంతితో చెబుతున్న
సందర్భంలోనిది ఈ పద్యం-

ఉడువీథీ హరినీల రత్నమయ పాత్రోత్సంగ భాగంబునం
గడు గారా మొనరన్ ఝషాంకునకు నంక చ్ఛాయయన్ కమ్మనూఁ
బిడితోఁ గూడ సుధాంశుబింబ మను సర్పిః పాయసాహారముం
గుడువం బెట్టెనొ బంతికూళ్లకును జాకోరంబు లేపారగన్
                                                                (శృంగారనైషధము -8-198)


ప్రేయసీ!  చూచావా!  రాత్రి అనే ఇల్లు,
ఆకాశమనే నీలాల కంచంలో
మన్మథునికి నేయి నూటిడితో
పాటు వడ్డించిన పాయసంలాగ
చంద్రుడు కనిపిస్తున్నాడు.
చకోరాలు బంతికూటికి రావాలని
ఉవ్విళూరుతున్నాయి - అని భావం

ఎంత మనోహరమైన ఊహో
ఎంత గొప్ప వర్ణనో కదా!




No comments:

Post a Comment