రాజులు రాజులే పెను తరాజులు గాక
సాహితీమిత్రులారా!
ఒక కవి పూసపాటి విజయరామరాజుపై చెప్పిన పద్యం చూడండి.
రాజు కళంకమూర్తి! రతిరాజు శరీర హీను, డంబికా
రాజు దిగంబరుండు! మృగరాజు గుహాంతరసీమవర్తి! వి
భ్రాజిత పూసపాడ్విజయరామ నృపాలుడె రాజుగాక, యీ
రాజులు రాజులే? పెను తరాజులు గాక ధరాతలంబునన్!
రాజు - చంద్రుడు కళంకమూర్తి - చంద్రునిలో మచ్చ ఉంది.
రతిరాజు - మన్మథునికి శరీరమేలేదు,
అంబికారాజు - శివుడు దిగంబరుడు,
మృగరాజు - సింహం గుహలలోనే ఉంటుంది.
ఇక్కడున్న రాజులు రాజులా? పెనుతరాజులు(పెద్దతక్కెడలు)
అవి గొప్పవాటిని క్రింద ఉంచి
తక్కువదాన్ని పైకి పెట్టును. ఐనవారిని క్రిందను,
కానివారిని పైన పెడతారు - అని భావము.
No comments:
Post a Comment