Sunday, May 1, 2016

"ఆకలిదప్పులు లేని వేంటేశ్వరునికి మంగమ్మ విందు"


"ఆకలిదప్పులు లేని వేంటేశ్వరునికి మంగమ్మ విందు"


సాహితీమిత్రులారా!
ప్రతివ్యక్తికి ఉండవలసింది కూడు, గూడు, గడ్డ. ఇంపైన గుడ్డ ఉండి,
మధురమైన కూడు ఉండి, అందమైన గూడు కూడ ఉంటే
అప్పుడు కావాలి అందరికి శృంగారం. కడుపు నిండితేనే కదా శృంగారం.
అలవేలుమంగా శ్రీనివాసుల శృంగార లీలల్ని అద్దంపట్టే వేంకటేశ్వర శతకంలో
ఆకలిదప్పులు లేని వేంకటేశ్వరునికి మంగమ్మ ఎలాంటి విందును
ఆరగింప చేసిందో నోరూరించే అందమైన పదాలతో అన్నమయ్య ఎలా రాశాడో
శతకంలోని 50వ పద్యం చెబుతుంది చూడండి.

అరిసెలు, నూనె బూరియలు, నౌగులు, చక్కెర చుండిగల్, వడల్,
పురుడలు, పాలమండిగల, పూపములయ్యలమేలుమంగనీ
కరుదుగా విందు వెట్టు పరమాన్నచయంబులు సూపకోటియున్
నిరతి వినిర్మలాన్నములు నేతులు సోనలు వేంకటేశ్వరా!

ఈ పదార్థాలల్లో ఇప్పుడు
కొన్ని పేర్లే వింటున్నాం.
కొన్నే తింటున్నాం.
ఇంకొన్నాళ్ళకు
ఇప్పుడు వినేవి ఉండవు
తినేవి ఉండవు
ఇప్పుడంతా నవీనం
తెలియని పేర్లతో తినడమే ఎంజాయ్మెంట్-

No comments:

Post a Comment