Monday, May 2, 2016

పరదేశము వెళ్ళిన నాభర్త తిరిగి ఎప్పుడు వచ్చును?


పరదేశము వెళ్ళిన నాభర్త తిరిగి ఎప్పుడు వచ్చును?


సాహితీమిత్రులారా!

ధ్వని - వక్రోక్తి - వ్యంగ్యములతో యువతులు ప్రకటించే తీరు వివరించే
శ్లోకాలు, పద్యాలు అనేకం ఉన్నాయి.
వాటిలో ఈరోజు ఒకటి.

చంకన పుస్తకం పెట్టుకొని ఒక యువకుడు వెళుతున్నాడు.
అతన్ని ఒక కామిని సాభిప్రాయంగా ఈవిధంగా ప్రశ్నించింది.

హే పాంథ!పుస్తకధర! క్షణ మత్ర తిష్ఠ!
వైద్యోసికిం? గణితశాస్త్ర విశారదోవా?
కేనైషధేన మను పశ్యతి భర్తురంబా?
కింవా గమిష్యతి పతి: పరదేశవాసీ?

(పుస్తకం పట్టుకొని వెళ్ళే ఓ పాంథుడా కొంచము ఆగుము
నీవు వైద్యుడవా? జ్యోతిష్యుడవా?
వైద్యుడవైతే, ఏమందు వలన వా అత్తకు కన్నులు కనిపిస్తాయి?
జ్యోతిష్యుడవైతే పరదేశం వెళ్ళిన నా భర్త ఎప్పరుడు వస్తాడు?
- అని రెండు ప్రశ్నలు అడిగింది.

(దీనిలోనీ ధ్వని యేమిటంటే - భర్త యింట్లోలేడు.
ఇంట్లో ఉండే అత్తకు కళ్ళు కనిపించవు మనకు అడ్డు లేదని
చెప్పకనే చెప్పడం)

No comments:

Post a Comment