Monday, May 30, 2016

బ్రహ్మ ఆలిత్రాడు బండిరేవునద్రెంప


బ్రహ్మ ఆలిత్రాడు బండిరేవునద్రెంప


సాహితీమిత్రులారా!

ఈ పద్యం చూడండి.
బ్రహ్మ ఆలిత్రాడు బండిరేవులో
ఎందుకు త్రెంపాలంటున్నాడో కవి.

విత్త మొకని కిచ్చి వితరణశీలమౌ
చిత్త మొకని కిచ్చి చెరచినాడు
బ్రహ్మ ఆలిత్రాడు బండిరేవునద్రెంప
రెండు నొకనికీక బందుచేసె

సృష్టికర్త బ్రహ్మదేవుడే తప్పులు చేస్తున్నాడు చూడండి
ఆ బ్రహ్మ దాతృబుద్ధిలేని లోభికి అపార ధన(విత్తం) ఇస్తున్నాడు.
దాన (వితరణ) శీలం మరొకనికి ఇస్తున్నాడు
కాని వానికి ధనంలేకుండా మహాదరిద్రుని చేసి
మహాపరాధం చేస్తున్నాడు.
విత్తాన్ని వితరణశీలాన్ని ఒకరికే ఇస్తే ఎంత బాగుంటుంది-
అని దరిద్రంలో మగ్గే కవి ఎంత అక్కసుతో అంటున్నాడో చూడండి.
సరస్వతీదేవి మంగళసూత్రాన్ని తెంచేయాలట అంటే బ్రహ్మదేవుని చంపేస్తున్నాడు.
లేమిలో ఎన్ని బాధలో ఇంతపని చేయిస్తున్నది.

No comments:

Post a Comment