కవిసమయములు - 2

కవిసమయములు - 2

సాహితీమిత్రులారా!

కవిత్వము వ్రాయువారికి అంటే కవులకు 
ఇవి తప్పక తెలిసి ఉండవలెను

ఈ క్రింది వస్తువులందు లేని ధర్మమును 
నిబంధించ వచ్చును -

1. నదులలో పంకజనీలోత్పలములు లేకున్నను వర్ణించ వచ్చు
2. ప్రతి తటాకములో హంసలు లేకున్నను వర్ణించ వచ్చు
3. ప్రతి పర్వతము నందు బంగారము, రత్నములు, గజములు,
   లేకున్నను వర్ణించ వచ్చు
4. చీకటిని పిడికిటితో పట్టవచ్చని. సూదులతో భేదింపవచ్చని
   వర్ణించవచ్చు
5. ఆకాశగంగలో దిగ్గజములు స్నానమాడుచున్నట్లు వర్ణించవచ్చు
6. ప్రతాపమున రక్తత్వము, ఉష్ణత్వమును వర్ణించవచ్చు.
7. వెన్నెల దోసిళ్లతో దీసి ఎత్తవచ్చని, కడవలతో ముచుకొని పోవచ్చని
   వర్ణించ వచ్చు.
7. పురాతనుడైనను శివుని శిరశ్చంద్రుని బాలునిగా వర్ణించ వచ్చు
9. కీర్తిని, పుణ్యమును, హాసమును తెల్లగా వర్ణించ వచ్చును.
10. అపకీర్తిని, పాపమును నల్లగా వర్ణించ వచ్చు.
11. కోపమును, అనురాగమును ఎఱ్ఱగా వర్ణించ వచ్చు.
12. స్త్రీకి రోమావళి, త్రివళులు లేకున్నా వర్ణించ వచ్చు.
13. చక్రవాక దంపతులకు రాత్రి వియోగము గలుగునట్లు
    వర్ణించ వచ్చు.
14. చంపక భ్రమరములకు విరోధమున్నట్లు వర్ణించ వచ్చును.