రామాయణములో ఉపయోగించిన ఆయుధాలు - 1

రామాయణములో ఉపయోగించిన ఆయుధాలు - 1

సాహితీమిత్రులారా!

ఇప్పుడు మనం రకరకాల
ఆయుధాల పేర్లు వింటున్నాము
కాని రామాయణకాలంలో
ఉపయోగించిన ఆయుధాలపేర్లు
వాటి వివరాలు కొన్ని తెలుసుకుందాము-

వశిష్ఠధనుర్వేదం(1-65)లో
విభిన్న ఆయుధాలు
వాటి కార్యాలు
ఈ విధంగా వివరించింది -

ఆరాముఖేన చర్మఛేదనం
క్షురప్రేణ బాణకర్తనం
వా బహుకర్తనం
సూచీముఖేన కవచభేధనమ్
భల్లేన హృదయభేధనం
వత్సదంతే గుణచర్వణం
ద్విభల్లేణ బాణావరోధనమ్
కర్ణికేవ లోహమయ బాణానాం ఛేదనమ్
కాకతుండేన వేద్యానాం వేధః కుర్యాత్ 


ఆరాముఖం -
చర్మఛేదనము చేసేది

క్షురప్రం -
శత్రువుల బాణాలను, చేతులను ఖండించేది

గోపుచ్ఛం - 
సాధారణంగా వాడే ఆయుధం

అర్థచంద్రం -
శత్రువుల శిరస్సులను, మెడలను, ధనుస్సులను ఛేదించేది

సూచీముఖం - 
శత్రువుల కవచాలను ఛేదించేది

భల్లం -
శత్రువుల గుండెలను చీల్చేది

వత్సదంతం - 
శత్రువుల ధనుస్సుల అల్లెత్రాళ్ళను త్రెంచేది

కర్ణిక -
లోహంతో చేయబడిన బాణాలను చీల్చే ఆయుధం

కాక తుండం - 
మిక్కిలి కఠినమైన వస్తువులను ఛేదించే ఆయుధం

ఇలాంటి ఆయుధాలన్నీ రామాయణంలో వాడబడ్డాయి.