అమరకుడు - అమరుక శతకం
సాహితీమిత్రులారా!
అమరుడు లేక అమరకుడు అని పిలువబడే ఈ కవి
ముక్తకకావ్యం రచించాడు దీన్నే మనం శతకం అంటున్నాము.
సంస్తృతంలో మిక్కిలి జనాదరణ పొందిన శతకాల్లో
అమరుక శతకం ఒకటి. దానిలో 115 శ్లోకాలున్నాయి.
ప్రజలలో వాడుకలో ఉన్న ఐతిహ్యం ప్రకారం శంకరాచార్యులే
అమరుకమహారాజు మృతదేహంలో ప్రవేశించి, శృంగార
అనుభవాలను సంపాదించి ఆ కావ్యం వ్రాసినట్లు ప్రతీతి.
అమరుకంలోని శ్లోకాలు అలంకారశాస్త్ర గ్రంథాలలో లక్ష్యాలుగా
ప్రదర్శించబడినాయి. ఈ కావ్యానికి సుమారు 11 వ్యాఖ్యానాలు వెలిశాయి.
వాటిలో అర్జునదేవుడు వ్రాసినది అత్యంత ప్రాచీనమైనది.
కొండవీటి రెడ్డిరాజు పెదకోమటి వేమారెడ్డి కూడా అమరుకానికి
వ్యాఖ్యానం వ్రాశారు. గాథాసప్తశతిలాగానే అమరుకశతకం
కూడా శృంగారభరితమైన ముక్తక కావ్యం. దీనిలో ప్రధానంగా
శార్దూలవిక్రీడితవృత్తాలు ఉపయోగించబడ్డాయి. అక్కడక్కడ
మాలినీ, శిఖరిణీ, హరిణీ, మొదలైన వృత్తాలు కూడా కనిపిస్తాయి.
ఈ కావ్యం భాీరతదేశంలోని పలుభాషల్లోకి అనువదింపబడింది.
No comments:
Post a Comment