ఉగాది కోయిల
సాహితీమిత్రులారా!
ఇది 1983లో వ్రాయబడిన ఉగాది కవిత
మాటలురాని కోయిలా కూయకే
కుహూఁ కుహూఁ యంటూ
ఈ లిప్స నీకేలే కోయిలా
అది ప్రమదనాదమా
మరి ప్రళయనాదమా
చూతప్రవాళ మంజరులు చూతమన్నా
సరిగా దొరకని యీ యెడారివుగాదిపై
మధుపాళి సైతం రాగాలుమాని వసివాడిన
విటపవాటి దాటి యేయాశకో యేగిన యీవుగాదిపై
ఎండినఎడారిలో పండని జీవితాల
పండించి రాలేలా చేసే యీవుగాదిపై
ఈ లిప్స నీకెందుకే కోయిలా
ఎవరికి తెలియనిదీ యుగాది ఉగాది
ఎవరికి తెలియని చేదు తీపి జీవితామని
ఎడారి ఏడాది వుగాది
మాటలురాని కోయిలా కూయకే
కుహూఁ కుహూఁ యంటూ
ఈ లిప్స నీకేలే కోయిలా
(1983 ఏప్రిల్ మానసవీణ)
No comments:
Post a Comment