ఇది తెలుసా? దీనిపేరు మహాప్రభ
సాహితీమిత్రులారా!
మనం ఈ మధ్యన రకరకాల నరకాల పేర్లు
అపరిచితుడనే చలన చిత్రంలో చూచాంకదా!
అలాంటిదే ఈ మహాప్రభ దాన్ని గురించి చెప్పే
ఈ శ్లోకం చూడండి-
మహా ప్రభేతి నరకం
దీప్త శూల మహోచ్ఛ్రయం
తత్ర శూలేన ఛింద్యం తే
పతి భార్యోప భేదినః
భార్యా భర్తలు అన్నోన్యంగా ఉంటే
కళ్లలో నిప్పులు పోసుకునే వారుంటారు.
వాళ్లమధ్య చిచ్చు పెట్టేదాకా కొందరికి
నిద్రపట్టదు. అట్లా వారి మధ్య విరోధం
కల్పించడం లక్ష్యంగా ఉన్నవారికి
ఇహలోకంలో పుష్కలంగా వినోదమైతే
దొరుకుతుంది సరదా తీరుతుంది-
కానీ పరలోకంలో వారికి నరకమే గతి
ఆ నరకంలోనైనా ఎట్లాంటి శిక్షకు గురౌతారంటే--
శూలాలతో అనుక్షణం చిత్రవధ చేయటమే
ఈ శిక్ష అమలు జరిపే నరకం పేరు
మహాప్రభ.
దంపతుల్ని విడదీయటమనేంతటి
పాపకార్య మరొకటిలేదు
No comments:
Post a Comment