మానవకంప్యూటర్ శకుంతలాదేవి

సాహితీమిత్రులారా!

మానవకంప్యూటర్ శకుంతలాదేవిగారిని

గురించిన వీడియో

మార్గదర్శిపేర ఈటీవీ-2లో ప్రసారమైనది

మీరు ఇక్కడ వీక్షించండి ఆమెను స్ఫూర్తిగా

తీసుకొని మీ పిల్లలకు గణితంలో ఆసక్తిని కలిగించండి-

 ''సాని'' అంటే ఏమిటి?

సాహితీమిత్రులారా!

సాని అనే పదం మనకు సుపరిచితమే కానీ దాని అర్థం మాత్రం

మనకు వేరుగా వ్యవహారంలో గమనిస్తాం. 

సాని అంటే సంపూర్ణ సంగీత పరిజ్ఞానం కలది అని.

స - నుండి ని - వరకు పరిపూర్ణ సంగీత పాండిత్యాన్ని సంపాదించుకొన్న

గంధర్వాంగనకు సాని అని బిరుదునిచ్చేవారు. 

ఈ బిరుదుపొందిన ప్రథమ సంగీత విద్వాంసురాలు రంభయే అయి ఉండాలి.

తరువాత కాలంలో సాని అనేది ఒకబిరుదుగా ఉండేది. 

ఈ బిరుదును సంపాదించుకోవడానికి ప్రతి దేవనర్తకి ఎంతో కష్టపడాల్సివచ్చేది.  

కొందరు రాణులకు గౌరవప్రదంగా ఈ బిరుదు ఉండేది. 

పిల్లలమర్రిలోని ఎరుకలేశ్వరునికి దేవాలయం కట్టించిన 

బేతరాజు భార్యపేరు ఎర్రక్కసాని. 

ఎరుకలసాని, మంత్రసాని, దొరసాని అనే పదాలు

 గౌరవప్రదమైనవే కాని నీచమైనవికావు. 

రానురాను ఈ పదం విశిష్టత అంతరించి కళంకాన్ని ఆపాదించే 

నీచమైన  అర్థంగా మారిపోయింది.

                                                                                     (ఈ సమాచారం డా. నటరాజు రామకృష్ణ గారి రుద్రగణిక నుండి.)

 సప్తర్షిమండలం మారుతూవుంటుందా?

సాహితీమిత్రులారా!

మన హిందూసమాజంలో వివాహానంతరం

నూతన వధూవరులను అరుంధతీ దర్శనంకోసం

సప్తర్షిమండలంలోని అరుంధతీనక్షత్రం చూపడం

ఆచారం. అది కనిపిస్తుందా లేదా అన్నది వేరే అంశం.

అది ఉత్తరం వైపునకు చూపించి చెబుతుంటారు.

కాని అది దిశమారుతుందా. కాదు. మరి ఎలామారుతుంది

అంటే అది మన చంద్రుడు ప్రతిరోజు ఒక నక్ష్తత్రం దగ్గర 

వుంటాడు కదా అలాగట.

ప్రతివందసంవత్సరాలకు ఒక నక్షత్రం మారుతూవుంటుందట.

ఈ విషయం తిరుమల శ్రీనివాసశర్మగారు రచించిన వేదవాఙ్మయము

12 పుటలో వివరించడం జరిగింది. పరీక్షిత్తు పుట్టినపుడు మఘ నక్షత్రం

ఉన్నదని, నందుని రాజ్యాభిషేకసమయానికి పూర్వాషాఢ నక్షత్రం లో

సప్తర్షిమండలం ఉన్నట్లు ప్రాచీన విద్వాంసులు వివరించినట్లు చెప్పాడు.

ప్రతివంద సంవత్సరాలకు నక్షత్రం మారుతుందని వివరించం జరిగింది.

దీన్నిబట్టి సప్తర్షిమండలం మారుతూవుంటుందని అర్థమౌతున్నదికదా

 గృహిణీపదమ్

సాహితీమిత్రులారా!

దూరదర్శన్ వారు  మల్లాది రామకృష్ణ శాస్త్రి గారి కథలను 

ప్రసారం చేశారు వాటిని మన పాఠకులు దర్శిస్తారని వీలైనన్ని 

మీ ముందుంచుతాను వాటిలో 

ఇప్పుడు గృహిణీపదమ్ అనే కథ వీక్షించండి-

 ఎవరెవరు కొడుకులు?

సాహితీమిత్రులారా!

కొడుకులు స్వభావాన్ని బట్టి కాకుండా

పుట్టుకను బట్టి 12 (ద్వాదశ పుత్రులు) విధాలు.

1. ఔరసుడు - తనభార్య యందు తనకు పుట్టినవాడు.

2. క్షేత్రజుడు - పెద్దల అనుజ్ఞచేత భర్త అన్న, తమ్ముడు మొదలైన

                      వారికి పుట్టినవాడు (దీన్నే దేవరన్యాయము వలన అని కూడ అనవచ్చు.)

3. దత్తుడు - దత్తత తీసుకోబడినవాడు.

4. కృత్రిముడు - అభిమానించి పెంచుకోబడినవాడు

5. గూఢోత్పన్నుడు - తనకు తెలియకుండా ఱంకు మగనికి పుట్టినవాడు

6. అపవిద్ధుడు - తండ్రిచేతగాని తల్లిచేతగాని విడువబడగా, తెచ్చి పెంచుకోబడినవాడు.

7. కానీనుడు - తన భార్య యందు కన్యాత్వదశలో రహస్యముగా ఇతరునికి పుట్టినవాడు.

8. సహోఢజుడు - గర్భిణిగా ఉండగా, తెలిసిగాని తెలియకగాని

                              వివాహము చేసికొన్న భార్యకు పుట్టినవాడు.

9. క్రీతుడు - తల్లిదండ్రులకు ధనాన్నిచ్చి కొనుక్కోబడినవాడు

10. పౌనర్భవుడు - మారుమనువు చేసికొన్న స్త్రీకి పుట్టినవాడు

11. జ్ఞాతిరేతుడు - దాయాది కొడుకు (కొందరు పుత్రిక పుత్రుడు అని అంటారు.)

12. స్వయందత్తుడు - తల్లిదండ్రులు లేక గాని వారిచేత అకారణంగా విడువబడిగాని ,

                                   తనంతట తాను నీకు పుత్రుడనౌతానని వచ్చిన కొడుకు.

కొడుకులు ఇన్నిరకాలుగా ఉన్నారు.

వీరికి ఇతిహాసంలోగాని చరిత్రలోగాని

ఉదాహరణలు గుర్తించండి.

 కురుక్షేత్రయుద్ధంలో ఇరువైపు సేనానులు

సాహితీమిత్రులారా!

భారత యుద్ధం

అంటే కురుక్షేత్రంలో

కౌరవుల సైన్యం  - 11 అక్షౌహిణులు

పాండవుల సైన్యం-  7 అక్షౌహిణులు

ఈ సైన్యాన్ని ఒక అక్షౌహిణి సైన్యనానికి 

ఒక సైన్యాధిపతి చొప్పున నియమించారు.

ఆ లెక్కన కౌరవులకు 11 మంది సైన్యాధిపతులు

పాండవులకు 7 మంది సైన్యాధిపతులు

వారిపై ఒక సర్వసైన్యాధ్యక్షుడుంటాడు

యుద్ధప్రారంభంలోని సైన్యధిపతులు

కౌరవుల సైన్యాధిపతులు -

1. కృపాచార్యుడు, 2. ద్రోణాచార్యుడు, 3. అశ్వత్థామ,

4. శల్యుడు, 5. జయద్రథుడు, 6. సుదక్షిణుడు,

7. కృతవర్మ, 8. కర్ణుడు, 9. భూరిశ్రవుడు,

10. శకుని, 11. బాహ్లికుడు.

వీరందరికి సర్వసైన్యాధ్యక్షుడు - 

10 రోజులు - భీష్ముడు

5రోజులు - ద్రోణుడు

2రోజులు - కర్ణుడు

1రోజు - శల్యుడు

వీరు కాక చివరిలో సైన్యమేలేకుండా

సైన్యాధిపతి అయినవాడు అశ్వత్థామ

పాండవుల సైన్యాధిపతులు -

1. ద్రుపదుడు, 2. విరాటుడు, 3. ద్రుష్టద్యుమ్నుడు 4.శిఖండి,

5. సాత్యకి, 6. చేకితానుడు, 7. భీమసేనుడు

వీరందరికి 18 రోజులు యుద్ధం ముగిసేదాక

సైన్యాధిపతి - ద్రుష్టద్యుమ్నుడు

 వినాయక చవితి శుభాకాంక్షలు

సాహితీమిత్రులకు

శ్రేయోభిలాషులకు

వినాయక చవితి శుభాకాంక్షలు