Sunday, February 2, 2020

గొంతు చీకటి


గొంతు చీకటి




సాహితీమిత్రులారా!

దేవులపల్లి కృష్ణశాస్త్రి గారి
కృష్ణశాస్త్రి పద్యాలు సంకలనం నుండి
ఈ గొంతు చీకటి కవిత ఆస్వాదించండి-

నాటి యామని వరువాత తోటలోన
పాటలో మేలుకొన్న స్వప్నములు, మూగె
పాటల పలాశములు, నా గవాక్ష వీథి
నా నయనముల నుండి, నాలోన నిండి!

ఎంత మెత్తని యడుగుల నేగుదెంచి
నావొ నాకయి నాకుటీరాజిరమున
''నేను రావచ్చునా'' యన్న నీ పిలుపు వి
నంబడదు నాటి యూహాంగణముల జొచ్చి!

పోయె నాకోయిలల కారు, పోయెను నవ
మల్లికల వేళ, శ్రావణ మ్మా శరత్తు;
మూలమూలల ఈ పర్ణశాల నేడు
హిమపదాంకములెే తలయెత్తి పిలుచు!

1 comment:

  1. This comment has been removed by a blog administrator.

    ReplyDelete