ఆ రాజుగారి కీర్తి ఎంతంటే ..................

సాహితీమిత్రులారా!

ఒక రాజు  కీర్తిని కవి

ఎంత చమత్కారంగా వర్ణించాడో

ఈ శ్లోకం చూడండి.

విద్వద్రాజ శిఖామణే తులయితుం ధాతా త్వదీయం యశ:

కైలాసంచ నిరీక్ష్య తత్రలఘుతాం, నిక్షిప్తవాన్ పూర్తయే

ఉక్షాణం, తదుపర్యుమా సహచరం తన్మూర్ధ్నిగంగాజలమ్

తస్యాగ్రే ఫణిపుంగవం తదుపరిస్ఫారం సుధా దీధితిమ్

ఓరాజా! నీ కీర్తిని తూచాలని బ్రహ్మ అనుకొన్నాడు.

తక్కెడ ఒక సిబ్బెలో కీర్తిని ఉంచి వేరొక సిబ్బెలో వెండి కొండను పెట్టాడు.

చాల్లేదు.

ఆపై నందీశ్వరుని -

(అదీ చాలక) ఆ పై శివుని -

ఆపై గంగాజలమును -

ఆపై వాసుకిని -

ఆపై చంద్రకళను పెట్టి

తూచలేక విఫలుడైనాడు -

అని భావం