అదొక్కటే దారి

సాహితీమిత్రులారా!

ప్రతిదానికి భయపడటం నుండి తప్పించుకోవడానికి

ఉన్నదొకే మార్గమని తన వైరాగ్య శతకంలో 

భర్తృహరి వివరించారు అది గమనించండి-

భోగే రోగభయం, కులే చ్యుతిభయం, విత్తే నృపాలా ద్భయం,
మానే దైన్యభయం, బలే రిపుభయం, రూపే జరాయా భయమ్,
శాస్త్రే వాదభయం, గుణే ఖలభయం, కాయే కృతాన్తా ద్భయం,
సర్వం వస్తు భయాన్వితం భువి నృణాం, వైరాగ్యమే వాభయమ్


భోగాలనుభవిస్తున్నా మనే తృప్తి మిగలకుండా రోగాలోస్తాయేమోనని
రోగభయం, మంచి కులంలో పుట్టామని తృప్తి పడటానికి ఏం తప్పు
జరిగినా కులానికి అప్రతిష్ట వస్తుందేమోనని భయం, బాగా డబ్బు (ఐశ్వర్యం)
ఉన్నదిలే అని ఆనందపడితే రాజు ఆ ధనాన్ని కైంకర్యం చేస్తాడేమోనని భయం,
మానశౌర్యం చేత విర్రవీగే వీలు లేకుండా అనుక్షణం ఎప్పుడు ఏం జరుగుతుందోననే
భయం, సౌందర్యం ఉందనుకుంటే ముసలితనం వస్తుందనే భయం, శాస్త్ర విజ్ఞానం
వుందంటే ప్రతివాదులతో వాదనా భయం, మంచి శరీరం వుందంటే దీనికి ఎప్పుడు
యముని బాధ కలుగుతుందోనని భయం ఇలా ప్రతిదానికి ఏదో ఒక విఘాతం ఉందికాని భయంలేనిది ఒక్క వైరాగ్యానికే - అని శ్లోకభావం