బడబానల భట్టు
సాహితీమిత్రులారా!
కోపం వస్తే తిట్టడం పరిపాటి
అదే కవి అయితే కవిత్వంలో
అంటే పద్యాల్లో తిడతారు.
అలాంటి కవులను తిట్టుకవులని
అంటుంటారు. అలాంటి వారిలో
వేమువాడ భీమకవి ఒకరు.
ఇలాంటివారిలో బడబానల భట్టు
గురించి చూద్దాం-
ఈయన ఒకమారు ఒక చెరువులోకి వెళ్ళి
సంధ్యవారుస్తున్న సమయంలో
ఆయన చేతి ఉంగరం జారి చెరువులో పడిందట.
అప్పుడు ఆ చెరువు ఎండిపోవాలని తిట్టాడట.
అందులోని నీళ్ళన్నీ నాలుగు గడియల్లో ఎండిపోయాయట.
ఆ పద్యం-
బడబానల భట్టారకు,
కుడిచేయుంగరము రవికి గొబ్బున నర్ఘ్యం
బిడువేళ నూడి నీలోఁ
బడియెఁ దటాకంబ నీటిఁ బాయుము వేగన్
ఈ పద్యంలో ఏడవ చోట ట - కారం నిల్పి చెప్పడం వల్ల
ఇది జరిగిందని చెబుతారు.
బడబానల భట్టారకు,
కుడిచేయుంగరము రవికి గొబ్బున నర్ఘ్యం
బిడువేళ నూడి నీలోఁ
బడియెఁ దటాకంబ నీటిఁ బాయుము వేగన్
త్రిపురాంతకం నుండి శ్రీశైలం
వెళ్ళేదారిలో ఉంది ఈ చెరువు..
No comments:
Post a Comment