శ్రీశ్రీ పద్యాలు - 2
సాహితీమిత్రులారా!
శ్రీశ్రీ మరో మూడు యాభైలు నుండి-
మీసాలకు రంగేదో
వేసేస్తే యౌవనం లభించదు నిజమే
సీసా లేబిల్ మార్చే
స్తే సారా బ్రాంది యగునె సిరి సిరి మువ్వా!
ఉగ్గేల త్రాగుబోతుకు
ముగ్గేలా తాజమహలు మునివాకిటిలో
విగ్గేల కృష్ణశాస్త్రికి
సిగ్గేలా భావకవికి సిరి సిరి మువ్వా!
నేనూ ఒక మూర్ఖుణ్నే
ఐనా నాకన్న మూర్ఖులగపడుతుంటే
ఆనంద పారవశ్యము
చె నవ్వక తప్పలేదు సిరి సిరి మువ్వా!
హాస్య రచనలో నొక్క ర
హస్యం కలదనగ వచ్చు నది యేదన్నన్
వేశ్యా మాతల సన్నిధి
శిష్యరికం ఆరు నెలలు సిరి సిరి మువ్వా!
No comments:
Post a Comment