Saturday, April 18, 2020

బొమ్మలాంతరు


బొమ్మలాంతరు





సాహితీమిత్రులారా!

శ్రీశ్రీ - ఖడ్గసృష్టి నుండి
ఈ కవిత ఆస్వాదించండి

దిదుతూన్న గుంట ఓనమాలు చెరిపేసి
చేతిలో ఉన్న బలపం విరిచేసి
కొత్తపలక కొనుక్కొచ్చాడు కుర్రాడు
పాగాచుట్టుకొంటూన్న రోకలి పారేసి
తెలివితక్కువ తనాన్ని గొయ్యితీసి పాతేసి
పొరుగువాడెలా ఉన్నాడని భోగట్టాచేశాడు వెర్రివాడు

ఆడుతున్న నాటకం ఆపేసి 
పెట్టుకున్న గడ్డం కుళ్ళాయీ లాగేసి
ఆడియన్సులో కలిసిపోయాడు విదూషకుడు

నిన్నటి వాగ్దానాన్ని నేటి ఉపన్యాసంలో కాల్చేసి
నేటి ఫోర్జరీని రేపటి సంతకంతో మార్చేసి 
ఇక్కడే వుండు వొస్తానని ఎక్కడికో పోయాడు వినాయకుడు

తన చుట్టూ తాను తిరుగుతూ 
సూర్యుని పరిభ్రమించే భూమిలాగ
ఆశయంచుట్టూ తిరుగుతోంది ఆవేశం

(చీట్లాటలో ఒక చేతిని అన్నీ పొడిముక్కలే అయి
ఒక బొమ్మలేకపోవడం బొమ్మలాంతరు. అప్పుడు 
ఆటకలిపి మళ్ళీ ముక్కలు కలపటం ధర్మం)

No comments:

Post a Comment