Tuesday, May 25, 2021

''మదం'' అంటే ఏమిటి?

 ''మదం'' అంటే ఏమిటి?




సాహితీమిత్రులారా!



మదం అంటే గర్వం.
ఇది ఎనిమిది రకాలని పెద్దలంటారు
ఇవి మానవత్వాన్ని మంటగలిపే సాధనాలు
ఇవి కలిగిన నాడు కన్ను మూసుకు ప్రవర్తిస్తారు.

అవి
1.ధనమదం - 
ఇది అన్నిటికంటే ముందు చెప్పాల్సింది.
దీనివల్ల ప్రపంచమంతా తమ ఆధీనంలో ఉన్నట్లు
భ్రమసిపోతుంటారు.

2. కుల మదం-
ఇది వారు పుట్టిన కులం గొప్పదని
మిగిలిన కులాలవారు చాల తక్కువవారని
వీరి అపోహ దీనితో లేనిపోని ధ్వేషాలకుమూలమై
సమాజ విచ్ఛన్నకర శక్తులుగా తయారవుతారు.

3. అధికార మదం -
ఇది ఏ అదికారమైనా కావచ్చు
వారు గొప్పవారు అధికారులని
మిగిలినవారు సేవకులనీ వీరి భావన

4. శాస్త్ర మదం -
తనకంటే గొప్ప పండితుడు లేడని.
తానే గొప్ప పండితుడనని
అన్ని శాస్త్రాలు తనకే తెలుసని
వీరు విర్రవీగుతుంటారు.

5. తపోమదం-
వీరు కొంత తపస్సుకే తమవంటివారు లేరని
గర్వించి ఏవో వారు సాధించిన చిన్న చిన్న
విషయాలకే పరిమితమై మోసపూరిత మాటలతో
ప్రజలను వంచించి కాలం గడుపుతుంటారు.

6. బలమదం -
ఇది శారీక బలం అండచేసుకొని దౌర్జన్యాలకు
పాల్పడి వారు సమాజానికి ప్రతినాయకులై
ప్రజలను ఇబ్బంది పెడుతుంటారు.

7. యవ్వన మదం -
వీరు బలహీనులను తమకోరికలకు బలి చేస్తుంటారు

8. రూపమదం-
వీూరు తాముమాత్రమే అందంగా ఉన్నామని
తమ అందానికి తామే మురిసి ఇతరులను గేలి చేస్తుంటారు
అసహ్యించుకొంటుంటారు

ఇవి ఏవీ మనిషికి ఉండరాదని అన్నా
ఏదో ఒకటి మనిషిని పట్టి పీడించడం
నేడు మనం గమనిస్తూనే ఉన్నాము
వీటిని మార్చడం ఎవరికి వారికే సాధ్యం

No comments:

Post a Comment