నేను చెడ్డవాణ్ణికాదుకదా?
సాహితీమిత్రులారా!
ఆర్యాద్వాషష్టికలోని ఈ శ్లోకం చూడండి-
ఎవరైనా ఆత్మవిమర్శ చేసుకోవాల్సిందే
మనగురించి ఎవరైనా ఏదైనా అన్నపుడు
అది నిజమేనా కాదా అని ఒకపరి ఆలోచించడం
తప్పుకాదుకదా! -
అదే ఈ శ్లోకం వివరిస్తూంది చూడండి-
ఆక్రుష్టేన మతిమతా తత్వార్థ విచారణే మతిః కార్యా
యది సత్యం కః కోపః స్యాదనృతం ను కోపేన
"నువ్వు ఇల్లాంటివాడివి - అలాంటివాడివి" -
అని ఎవరైనా తిట్టినపుడు బుద్ధిమంతుడు
ఒకమాటు యదార్థస్థితిని గూర్చి ఆలోచించుకోవాలి.
అతడు అన్నది నిజమే అయితే
నాకు కోపం ఎందుకురావాలి?
అతడు నిజమే చెబుతున్నాడు కదా!
నిజం కాకపోతే కోపం ఎందుకు?
అతడన్నట్లుగా నేను చెడ్డవాడిని కాదుకదా! -
అని శ్లోక భావం.
నేటి కాలంలో ఇలా ఆలోచించేవారున్నారా?
ఏమో ఎవరివిషయం వారికే తెలియాలి.
No comments:
Post a Comment