అంతకంటే ఎక్కువ దొరకదు
సాహితీమిత్రులారా!
ప్రాప్తములేక వస్తువుల్
పట్టుబడంగనేరవు -
అని పెద్దలంటూంటారు
అది ఎలాగో
ఈ శ్లోకం చెబుతుంది చూడండి
ఆసాద్యాపి మహోదధిం న వితృషో జాతో జలైర్బాడబో
మేఘం ప్రాప్య న చాతకోऽ పి చరణౌ భానుం న లేభేऽ రుణః
చన్ద్ర శంకరశేఖరేऽ పి నివసన్ పక్షక్షయే క్షీయతే
ప్రాయః సజ్జన సంగతౌ హి లభతే దైవానురూపం ఫలమ్
బడబాగ్ని మహాసముద్రంలో ఉన్నా
ఆ ఉదకంతో దాని దప్పి తీరలేదు
మేఘాన్ని పొందినా చాతకపక్షి దప్పిక తీరలేదు
అరుణుడు సూర్యుణ్ని ఆశ్రయించినా
అతనికి పాదాలు రాలేదు
శివుని శిరోభూషణంగా ఉన్నా
చంద్రుడు కృష్ణపక్షాంతంలో
క్షీణిస్తూనే ఉన్నాడు
సజ్జనుల సంగతి లభించినా
దైవం ఇచ్చిన ఫలం మాత్రమే లభిస్తుంది
అంతకంటే ఎక్కువ దొరకదు - అని భావం.
No comments:
Post a Comment