నన్నెక్కడ యాచిస్తాడో అని...
సాహితీమిత్రులారా!
భోజరాజీయంలో అనంతామాత్యుడు
అన్నిటికంటె చులకనైనవాడు,
తేలికైనవాడు తల్లిలేనివాడని
ధేనువుతో చెప్పిస్తాడు. కాని ఇక్కడ
మరో విషయం గమనించగలం చూడండి-
తృణాల్లఘుతర స్తూలః
తూలా దపి చ యాచకః
వాయు నాపి కిం న నీతోऽ పౌ
మా మయం యాచయే దితి
సమాజంలో యాచకుల స్థతిని వర్ణించేదీ శ్లోకం
లోకంలో తేలికగా ఉండే వస్తువు గడ్డిపరక.
గడ్డిపరక కంటే తేలికైనది దూది.
దూదికంటే తేలికైనది యాచకుడు(బిచ్చగాడు)
అంత తేలికైతే గడ్డిపరక, దూది గాలిలో
ఎగిరిపోయినట్లు గాలిలో ఎందుకు ఎగిరిపోడు
అంటే ఇతణ్ణి తీసుకెళితే నన్నెక్కడ యాచిస్తాడో
అని వాయుదేవుడు తీసుకుపోడని కవి చమత్కరిస్తున్నాడు.
No comments:
Post a Comment