ఎప్పుడూ పీడించేదెవరు?
సాహితీమిత్రులారా!
ఈ చమత్కారశ్లోకం చూడండి.
మత్కుణా మశకా రాత్రౌ, మక్షికా యాచకా దివా
పిపీలికా చ భార్యా చ దివారాత్రౌ చ బాధతే
ఇది ఒక భార్యాబాధితుడు చెప్పడట.
దీని భావం -
నల్లులూ, దోమలూ రాత్రిపూట బాధిస్తాయి.
బిచ్చగాళ్ళు ఈగలు పగలు ఇబ్బంది పెడతాయి.
చీమలు, భార్య మాత్రం రాత్రింబవళ్ళు బాధిస్తాయి.
దీనిలో నల్లులూ, దోమలు పగటిపూట మనజోలికేరావు.
బిచ్చగాడు, ఈగలు రాత్రిపూట అసలు ఇబ్బంది కలిగించవు.
చీమలు రాత్రి పగలు కూడ కుట్టి ఇబ్బంది పెడతాయి.
భార్య అయితే అవికావాలి ఇవికావాలని చెవిలో జోరీగై
అహోరాత్రులు పీడిస్తూనే ఉంటుంది.
మొత్తానికి ఎంత చమత్కారంగా చెప్పడండీ!
ఇది అందరికీ వర్తించదని మనం గమనించాలి.
No comments:
Post a Comment