తల్లిదండ్రులు ఎవరు?

తల్లిదండ్రులు ఎవరు?

సాహితీమిత్రులారా!

తంల్లిదండ్రులు ఎవరా ఏమిటీ ప్రశ్న అనుకోవచ్చు
కాని వారి గురించి మనకు తెలిసింది తక్కువే అందుకే ఆ ప్రశ్న.
నీతిశాస్త్రంలోని ఈ శ్లోకం చూడండి.

సర్వతీర్థమయీ మాతా
సర్వదేవమయ: పితా
మాతరం పితరం తస్మాత్
సర్వ యత్నేన పూజయేత్

పుణ్యతీర్థాలు ఎక్కడో కాశీ మదుర అయోధ్యలలో మాత్రమేలేవు.
గంగా మొదలైన సకల తీర్థాలు తల్లియే ఇక దేవతలు ఏఏ క్షేత్రాలలో
కొలువై ఉన్నారో అని వెతకక్కరలేదు. తండ్రియే సకల దేవతా స్వరూపుడు.
వీరిద్దరిని సేవించడం సకలతీర్థ క్షేత్రాలను సేవించినంత పుణ్యం.
కావున వారిని పూజించడం అటుంచి వారిని వృద్ధాశ్రమాలపాలుచేయకుండా
ఇంటిపట్టున ప్రేమ అభిమానాలు పంచుతూ మీకు కలిగిన దానితో వారికి
తృప్తికలిగించండి - అనవలసి వస్తోంది.