భక్తి - కొబ్బరికాయ
సాహితీమిత్రులారా!
కొబ్బరికాయ అనేది పూజలో, భక్తిలో భాగంగా మారింది అంటే కాదనేదెవ్వరు.
దీనిపై మద్దుపల్లి వేంకటసుబ్రహ్మణ్య శాస్త్రిగారు ఒక పద్యం కూర్చారు చూడండి.
అకలంకంబగు నారికేళఫల పుణ్యంబేమొ, పైబడ్డ సా
ధక సామాగ్రి వీడి, ఆత్మ భగవద్దత్తంబు గావించి, సా
ర్థకతా లబ్ధికి ఫక్కునన్ సెలవివారన్ నవ్వుచున్నంతలో,
సిక సన్న్యస్తముగా త్రినేత్రత భజించెన్ భక్తి సంసేవ్వయతన్
కొబ్బరికాయ భక్తులను ఆశ్రయించినది. బాహ్య ఆవరణమును వీడినది. ఆత్మ(లోపలికాయ)ను భగవదర్పణము చేసికొన్నది. తన జన్మ ధన్యమైనదని సెలవివార నవ్వుచున్నది (తెల్లని తెలుపు) అంతలో సిగను (శిఖను) తొలగించి నివేదనము చేయుదురు. (సన్యాసములో సిగ తీసివేయుదురు).అప్పుడది త్రినేత్రత (శివసాయుజ్యం)ను పొందినది. కొబ్బరికాయకు పైభాగమున మూడు కన్నులు ఉండును. ఇది శివసాయుజ్యం.
No comments:
Post a Comment