గవేషణ
సాహితీమిత్రులారా!
"దాశరథి"గా పేరుగాంచిన "దాశరథి కృష్ణమాచార్య" 1987 నవంబర్ 5న అస్తమించిన
తరువాత1988లో "చైతన్యసాహితీసమాఖ్య-హైదరాబాద్" వారు
"నేత్రపర్వం" పేరున దాశరథిగారికి కవితానీరాజనం అర్పించారు.
గవాక్షంలో నుంచి గదిలోకి
గంతువేసింది దౌర్జన్యం
కత్తిపోట్లకి తట్టుకోలేక
నెత్తురుకక్కి మరణించింది సౌజన్యం
పట్టపగలు నట్టనడివీధిలో
పట్టుపడకుండా వెళ్ళిపోయింది దౌర్జన్యం
సానుభూతిపరులు నిర్మించిన పాలరాతి
సమాధిలో పవ్వళించింది సౌజన్యం
దానవులు విజృంభించిన ధరామండలంలో
మానవులకోసం జరుగుతోంది అన్వేషణ
యెడారిలో పుడిసెడు నీళ్ళకోసం
ఇసుకలో తైలధరకోసం గవేషణ
No comments:
Post a Comment