Sunday, April 24, 2016

కన్నొక్కటి లేదుగాని కంతుడవయ్యా!


కన్నొక్కటి లేదుగాని కంతుడవయ్యా!

సాహితీమిత్రులారా!
ఒకమారు కృష్ణదేవరాయల అల్లుడు తిరుమలరాయలు తనపై పద్యం చెప్పమని
తెనాలి రామకృష్ణుని అడిగాడట.
దానికి ఆయనపై ఈ పద్యం చెప్పాడట.

అన్నాతిఁ గూడ హరుడవుఅన్నాతిని గూడకున్న అసురగురుఁడ వీవన్నా! తిరుమలరాయా!కన్నొక్కటి లేదుగాని కంతుడవయ్యా!

ఓ తిరుమలరాయా రాణీగారితో కలిసి మీరు మూడు కన్నులున్న శివుడివి. 
ఆమెతో కలవక ఒంటరిగానైతే మీరు శుక్రాచార్యులు. 
కన్ను ఒకటే తక్కువగాని మీరు మన్మథులు- అని భావం

దీనికి మరో పాఠాంతరం కూడావుంది. చివరి పాదం ఈవిధంగా మారిస్తే
కన్నొక్కటి కలదుకాని కౌరవపతివే
దీన్ని తీసుకుంటే కన్ను ఒకటి ఉంది కాని 
అది లేకపోతే నీవు నిజంగా ధృతరాష్టుడవే - అని అర్థం మారుతుంది.

No comments:

Post a Comment