శరసంధాన బల క్షమాది........
సాహితీమిత్రులారా!
కృష్ణదేవరాయలను అల్లసాని పెద్దన వర్ణించిన పద్యం.
శరసంధాన బల క్షమాది వివిధైశ్వర్యంబులుం గల్గి దు
ర్భర షండత్వ - బిలప్రవేశ - చలన - బ్రహ్మఘ్నతల్ మానినన్
నర - సింహ - క్షితిమండ - లేశ్వరుల నెన్నన్వచ్చు నీసాటిగా
నరసింహ క్షితిమండలేశ్వరుని కృష్ణా! రాజకంఠీరవా!
ఓ నరసింహరాయల కుమారుడైన కృష్ణదేవరాయా! రాజశ్రేష్ఠా!
నర - నరుడు, శరసంధాన - శరసంధానంలోను, సింహ - సింహము, బల - బలములోను,
క్షితి - భూమి, క్షమ - ఓర్పులోను, ఈశ్వర - ఈశ్వరుడు, వివిధైశ్వర్యంబులుం-
అనేక రకాలైన ఐశ్వర్యములోను, గొప్పవారే అయినను
ఈనలుగురిలోను నాలుగు దోషాలున్నాయి. 1. నరునికి నపుంసకత్వం, 2. సింహం గుహలో దాగి ఉండుట(బిలప్రవేశ), 3. భూమి కంపించుట(చలన), 4. ఈశ్వరుడు బ్రహ్మహత్య(బ్రహ్మదేవుని తలనరుకుట)
అనే దోషాలుండుటచే ఈ నరుడు, సింహం, భూమి, ఈశ్వరులు నీతో సరిపోలరు. అని వర్ణించాడు.
No comments:
Post a Comment