శంభూ! ప్రేతభూతప్రభూ!
సాహితీమిత్రులారా!
ఈ పద్యాలు
మాధవపెద్ది బుచ్చిసుందరరామశాస్త్రి గారి
శృంగారచాటువులు లోనివి చూడండి.
ఒకతే చాలుగదయ్య యేలుకొన నీహోదాకటయ్య యొక
ర్తుక నొంటన్ మరియొక్కతెన్ శిరసునందుం గట్టుకొన్నావు చా
లక, పైగామెడనిండఁబాము లొడలెల్లన్ బూదియుంగూడ నీ
మొకమున్ మామొకమేమి రూపమిది శంభూ! ప్రేతభూతప్రభూ!
కొంచెమ్ముగ నందముండినదొ లేదో దారుకస్త్రీల మ
చ్చిక లేకుండనె వెంబడింతు వెదొ పిచ్చింజేసి యాఁనాడు నీ
విఁక ఆలాశివమెత్తుటీశునకు నీకేయంతయుండంగ నిం
చుక మాకుండుట యెట్లు దోసమనిపించున్ నీకు శంభయ్యకున్!
అది నీకర్మము మూడుకాళ్ళ ముసలయ్యల్ ముండమోపుల్ మొదల్
పెదపెద్దల్ వఱకెల్లవారలకు కాఫీలోకమై పోవ నే
మిది యా చాచినచేయి చాచినటుగానే యుంచుకొన్నాఁవిఁకన్
బ్రదుకత్యంతము చేదుమేయు కొఱకేనా నీకు శంభయ్యకున్!
సరి చేదే వలెనన్న నచ్చము డికాక్షన్ గాని నీకట్టు ల
క్కఱలే కించుక చేదుచేదుగ ననన్ కాఫీనొకింతేని శ
ర్కర లేకుండనె యిచ్చు అయ్య రరకప్ కప్ కాఫీ యాముండ మో
సిరి చేఁజాచుట కింతతో నయిన స్వస్తింజెప్పి వేంచేసినన్
No comments:
Post a Comment