నే నెవరు? నే నెవరు? నే నెవరు?
సాహితీమిత్రులారా!
బెల్లంకొండ రామదాసు(1923-1983)గారు వ్రాసిన కవిత చూడండి.
వెడుతాను మరి, సెలవు
విడిచి వెడుతున్నాను నా కండ్లు
వెలలేని కలల బరువెక్కి
పండి రాలిన పండ్లు
వెదకి వేసారి విశ్రయించిన పుండ్లు
వెడతాను మరి, సెలవు
ఎన్నో దినాలు గడిపాను మీ మధ్య
ఎన్నో దినాలు నడిచాను ఈ రధ్య
వెడతాను మరి, సెలవు
ఎన్నో దీపాలు వెలిగించుకొని వచ్చాను
ఎన్నో కలలు మోసుకొని వచ్చాను
ఎన్నో జలాలు నింపుకొని వచ్చాను.
ప్రవేశించాను
ఈ విచిత్ర భవనంలోకి
ఈ విశాల సదనంలోకి
పాట వలె
పరిమళం వలె
మాటరాని మౌనివలె
ఎన్నో ముఖాలు కనిపించినవి
ఎన్నో కండ్లు ఎక్కుపెట్టినవి నాపైన
ఎన్నో గుసగుసలు రుసరుసలు
ఎన్నో కంఠాలు ప్రశ్నించినవి
నీవెవరు? నీవెవరు? నీవెవరు?
నే నెవరు? నే నెవరు? నే నెవరు?
(నవకవితాపిత వ్యాసం సెప్టెంబరు-1995)
No comments:
Post a Comment