తగినవానికి ఇవ్వలేక పోతే ఎలా?
సాహితీమిత్రులారా!
జాలి, దయ, కరుణ ఇవి అందరికీ ఉంటాయి.
అయితే అవి కొందరిలో ఎక్కువగాను మరికొందరిలో
తక్కువగాను ఉంటాయి. ఆ ఉన్న కరుణ ఎవరికైతే
అవసరమో వారికి చెందితే మంచిది. అలా కాని
పక్షంలో అది వృధా అవుతుంది దానికి సంబంధించిన
ఈ శ్లోకం చూడండి-
ఇది నీతిశాస్త్రంలోనిది-
దీనానా మిమ పరియహా శుష్కసస్యా
న్యేదార్యం ప్రకటయతో మహీదరేషు
ఔన్నత్యం పరమవాప్య దుర్మదస్య
జ్ఞాతోऽ యం జధర తావకో వివేకం
మేఘుడు లేదా వరుణుడు కరుణమాలి మితిమీరిన
గర్వం చేత కొండలలో, కోనల్లో అపారంగా వర్షం
కురిపించేస్తుంటాడు. దీనంగా ఆకాశం వంక చూస్తూ,
తమ పంటచేల పైన ఇంత వానను కురిపించమని
రైతులు మోరలు సాచి ప్రార్థిస్తున్నా అతనికి జాలి
కలగదు - అని భావం.
పంటచేలు ఎండిపోతున్నా, ఆర్భాటంగా పనికి రాని చోట్ల
కురిసే మేఘుడిలాంటి వాళ్లే లోకంలో కొందరుంటారు.
వీళ్లది ఉదారబుద్ధే కాని, అవసరమైన వారికి వీరి సహాయం
అందదు, వ్యర్ధులకు అందుతుంది.
No comments:
Post a Comment