ఏగుదెంచెను లక్ష్మి సర్వేశునీడ
సాహితీమిత్రులారా!
గజేంద్రమోక్షణమే చదివివుంటాం.
అందులో శ్రీమహావిష్ణువు గజేంద్రుని రక్షించే సమయంలో
లక్ష్మీదేవి ఏ విధంగా వెళ్ళిందో విష్ణువుతోటి తెలిపే
ఆదిభట్లనారాయణదాసుగారి ఈ పద్యం అవధరించండి-
అంసభాగంబున నాడెడు గొప్ప కొ
ప్పున సన్నజాజులు పుడమిరాలఁ
జిన్ని కెంజాయ వాల్గన్నులు కమ్మల
దివిటీల మును నటుల విధమొప్ప
హరికరాకృష్ట చేలాంచలంబున నీవి
యందునఁ బాణిద్వయంబు మెఱయ
మోము వేకువ చందమామ పోల్కిని వెల్గ
నధరంబుపై కెంపులలరుచుండఁ
గాలి పావడ జీరాడ కాంచి వీడ
కౌను జవ్వాడ నారద మౌని పాడ
మేచకముతోడఁ దొల్కరి మెఱుపుజాడ
నేఁగు దెంచెను లక్ష్మి సర్వేశునీడ
No comments:
Post a Comment