Thursday, August 10, 2017

మహాత్ములకు సహజాలంకారాలు


మహాత్ములకు సహజాలంకారాలు




సాహితీమిత్రులారా!




మహాత్ములకు ఐశ్వర్యంలేప్పుడు కూడ
సహజాలంకారాలైనవి ఏమిటో
ఈ పద్యంలో వివరించారు చూడండి-
ఏనుగులక్ష్మణకవి అనువదించిన
భర్తృహరి సుభాషితాలలోనిది ఈ పద్యం-

కరమున నిత్యదానము, ముఖంబున సూనృతవాణి, యౌఁదలం
గురుచరణాభివాదన, మకుంఠిత వీర్యము దోర్యుగంబునన్
వరహృదయంబునన్ విశదవర్తన, మంచితవిద్య వీనులన్
సురుచిరభూషణంబు లివి శూరులకున్ సిరి లేనియప్పు డున్

చేతులకు ఎల్లపుడూ దానంచేసేగుణం,
నోటికి సత్యవాక్కును పలికే లక్షణం,
శిరస్సుకు గురువులకు నమస్కరించే గుణం,
బాహువులకు ఎదురులేని పరాక్రమం
కలిగి ఉండే గుణం, మనస్సునకు
అకలంకమైన ప్రవర్తన అనే లక్షణం,
చెవులకు శాస్త్రశవణం అనే గుణం-
ఇవి మహాత్ములకు ఐశ్వర్యం లేనప్పుడు
కూడా సహజాలంకారాలుగా భావింపబడతాయి.

No comments:

Post a Comment