రాత్రౌ చోర ప్రసంగేన
సాహితీమిత్రులారా!
ఈ చాటువు చూడండి-
ప్రాతః ద్యూత ప్రసంగేన
మధ్యాహ్నే స్త్రీ ప్రసంగతః
రాత్రౌ చోర ప్రసంగేన
కాలో గచ్ఛతి ధీమతః
దీనిలో చూడటాని అన్నీ వ్యసనాలే కనిపిస్తాయి.
కానీ వీని అర్థం గమనిస్తే గమ్మత్తైనది చూడండి-
ప్రాతః ద్యూత ప్రసంగేన- అంటే ఉదయంపూట
భారతం గురించిన విషయాన్ని మాట్లాడాలట
(ద్యూత ప్రసంగము భారతంలో ధర్మరాజు ద్యూతం
గురించి ఉందికదా)
మధ్యాహ్నే స్త్రీ ప్సంగతః - అంటే
మధ్యాహ్నం పూట సీతా చరితమైన
రామాయణాన్ని గురించి మాట్లాడుకోవాలట.
రాత్రౌ చోర ప్రసంగేన - అంటే
రాత్రిపూట నవనీత చోరుడైన శ్రీకృష్ణుని
గాథలను వివరించే భాగవతం గురించి
మాట్లాడుకోవాలట.
ధీమంతులకు ఈ విధంగా కాలం గడుస్తుందట.
ఇంత విషయం ఉంది దీంట్లో.
No comments:
Post a Comment