Wednesday, November 22, 2017

తాజా గజల్


తాజా గజల్




సాహితీమిత్రులారా!


దాశరథి కృష్ణమాచార్య వారు
తెలుగులో గజల్ కూర్చిన మొదటివారు.
వీరి నేత్రపర్వం నుండి ఈ తాజా గజల్


ఎడారులనే కోరుకున్న వేళ
ఇసుక తుఫానుకు భయపడనేల?

కంటక శయ్యను పరుచుకున్నవాడు
వంటిపై గాయాలకు భయపడనేల?

చీకటి అరణ్యంలో చిక్కుకున్నవాడు
ఏకాకినైతినని దుఃఖపడనేల?

దానవుని దీన బాంధవు డనుకున్ననాడు
దగాపడితినని నేడు తపనపడనేల?

ధన పిశాచమ్మును తలపైన పెట్టుకుని
మునిగిపోయితిమని కుమిలిపడనేల?

ప్రేయసి కఠినురాలు - ప్రేమించినావు
కరుణించలేదని కలతపడనేల?

కానరాని దైవము కనులలో వుండగా
కనిపించలేదని మదనపడనేల?


No comments:

Post a Comment