Thursday, January 4, 2018

మృత్తికా గంధం


మృత్తికా గంధం




సాహితీమిత్రులారా!



దాశరథిగారి "నేత్రపర్వం" నుండి
ఈ కవిత ......
మట్టివాసన ముందు అత్తరువాసనలు
ఎందుకూ పనికిరావంటున్నాడు
చూడండి-

యెండా కాలంలో  దండిగా కొట్టిన వాన
గుండెల్లో కురిసిన అమృతపు సోన

కాలిన నేలమీద నవ వర్షబిందు
జాలం రాలుతున్నప్పటి సౌరభం ముందు
పనికిరాని పరదేశి అత్తరులు
అవి కంపుగొట్టే గాడిద గత్తరలు

అత్తరు అమ్ముతున్నారు వీధిలో అహమ్మదాలీ
కేవ్దా(మొగలి), ఖస్(వట్టివేరు), చంబేలీ(మల్లె)

మదనకదనంలో అలసిన మగువ స్వేదం
మల్లె అత్తరుకంటే మరింత ఆమోదం

యెండలో వానలో కాయకష్టం చేస్తూ
కండలు కరిగిస్తున్నాడు కార్మికుడు
గాయపడిన గుండెలతో కవీశ్వరుడు
గాండీవం లాంటి కలం చేతపడుతున్నాడు

గ్రీష్మంలో కురిసిన వాన జల్లు
కించిత్ సమయం తరువాత చెల్లు
అయితేనేం ఆ మృత్తికా గంధం
అగరు గత్తరల కంటే యెంతో సుగంధం