Monday, January 29, 2018

గరికపాటివారి గృహప్రవేశ ఆహ్వానం


గరికపాటివారి గృహప్రవేశ ఆహ్వానం




సాహితీమిత్రులారా!


గరికపాటివారు గృహప్రవేశ ఆహ్వానం పై
వ్రాసిన పద్యాలు గమనించగలరు.

ఇంటిలోని పోరు ఇర్వదేండ్లు భరించి
క్రొత్త ఇంటినొకటి కొంటినయ్య
గడపలోన మేము కుడికాలు నిడువేళ
మీరు చూడవలయు మెచ్చవలయు

అర్థరాత్రి వచ్చి ఆశీర్వదింపుడు
వీలుకాని యెడల విందుకైన
వచ్చిపోవలె తమవంటి సత్పురుషులు
కాలు పెట్టుచోటు కాని గాదె

తీయనైన మీదు దీవెనలే చాలు
వేరు కాన్కలేల వెర్రిగాని
అయిన తెచ్చునెడల అభ్యంతరములేదు
తేక యున్న మానె రాకె చాలు

(పద్యారామం, బేతవోలు రామబ్రహ్మం పుట.189)

కానుకలు లేకుండా వెళ్లాలనుకున్నా
కానుకలతోనే వెళ్లేవిధంగా ఉన్నాయికదా!
పిలుపులు పద్యాల్లో.