బ్రహ్మవిద్య కూడ ఇంత ఆనందం కలిగించదు
సాహితీమిత్రులారా!
చంద్రాలోక కర్త జయదేవుడు
కూర్చిన శ్లోకం ఇది చూడండి-
న బ్రహ్మవిద్యా నచ రాజ్యలక్ష్మీ
స్తథా యథేయం కవితా కవీనామ్
లోకోత్తరే పుంసి నివేశ్యమానా
పుత్రీవ హర్షం హృదయే కరోతి
పరబ్రహ్మని బోధించే వేదాంత విద్యకాని,
రాజ్యాధికారము కాని కవుల కవిత్వం వలె
పరమానందాన్ని కలిగించవు.
అసాధారణ లక్షణాలుకల పురుషునకు
భార్యగా అప్పగించబడిన తండ్రి మనసుకు
ఎటువంటి మహానందాన్ని కలిగిస్తుందో,
కవి యొక్క మంచి కృతి కూడ లోకోత్తర
పురుషునికి అంకితం ఇచ్చినపుడు
అటువంటి గొప్ప సంతోషం కృతికర్తకు,
సరస్వతికి కూడ కలుగుతుందని - శ్లోక భావం
No comments:
Post a Comment