Sunday, July 3, 2016

వాక్తామ్రపర్ణి కవితా మౌక్తిక.......


వాక్తామ్రపర్ణి కవితా మౌక్తిక.......


సాహితీమిత్రులారా!

ఈ పద్యం కవిస్తుతికి సంబంధించినది చూడండి
ఎలావుందో!

వాక్తామ్రపర్ణి కవితా 
మౌక్తికమయకావ్య హేమమండనులగు త
త్ప్రాక్తనసుకవుల నియమా 
త్యక్తుల వాల్మీకికాళిదాసులఁ గొలుతున్
                                          (దశకుమార చరిత్ర, 1-9)


వాక్ (భాష) అనే తామ్రపర్ణి నదిలో పుట్టిన ముత్యాలు(మౌక్తిక)
వాల్మీకీ, కాళిదాసుల కవితలు. అలాంటి కవితా ముత్యాలు పొదిగిన
బంగారునగలు (హేమమండన) వారి కావ్యాలు.
ఆ కావ్యాలు వారికి బంగారు ఆభరణాలై శోభిస్తున్నాయి.
కావ్యరచనలో నియమాలను విడిచి పెట్టనివారై(అత్యక్తులు) అంటే
నియమబద్ధులై ఉత్తమసాహితీప్రమాణాలను నెలకొల్పిన ప్రాచీన
(ప్రాక్తన) సత్కవులువారు. సంస్కృతసాహిత్యంలో "ఆదికవి"గా ప్రఖ్యాతులైన
వాల్మీకిమహర్షిని, "కవికులగురువు"గా పేరు పొందిన కాళిదాసమహాకవిని
కేతన ప్రశంసాత్మకంగా  సేవిస్తున్నాడు - అని భావం. 

No comments:

Post a Comment